Beint: Uppsöfnuð viðhaldsþörf á Íslandi

Samtök iðnaðarins og Félag ráðgjafarverkfræðinga munu klukkan 10:00 kynna nýja skýrslu um ástand og framtíðarhorfur helstu innviða á Íslandi. Er skýrslan byggð á sömu aðferðafræði og árið 2017 þegar sambærileg skýrsla kom út. Var þá niðurstaðan að uppsöfnuð þörf væri um 372 milljarðar.

Frétt af mbl.is

372 milljarða þarf í innviðina

Skýrslan verður kynnt í beinu streymi frá Norðurljósum í Hörpu. Hægt verður að fylgjast með streyminu hér að neðan.

Frétt af mbl.is

Vegakerfið fær falleinkunn

Skýrslan árið 2017 markaði tímamót því þá var í fyrsta sinn hér á landi gefin út heildstæð skýrsla um ástand og framtíðarhorfur helstu innviða á Íslandi. Markmið með útgáfu skýrslunnar er að lýsa stöðu helstu innviða hagkerfisins og draga fram hvað þarf til að tryggja gæði þessara meginstoða íslensks samfélags.

Frétt af mbl.is

Dökk mynd af framtíðarhorfum hafna

Innviðirnir sem fjallað er um í skýrslunni eru flugvellir, hafnir, vegakerfi, fráveitur, hitaveitur, vatnsveitur, raforkuvinnsla, raforkudreifing og -flutningur, fasteignir ríkis og sveitarfélaga og úrgangsmál.

Niðurstaða síðustu skýrslu var að mesta viðhaldsþörfin væri í fráveitum (50-80 milljarðar), þjóðvegum (70 milljarðar), innviðum vegna orkuflutninga (70 milljarðar), fasteignum í eigu ríkisins (55-65 milljarðar) og sveitarfélagsvegum (40-60 milljarðar).

Dagskrá

• Ávarp – Árni Sigurjónsson, formaður SI
• Samantekt – Ingólfur Bender, aðalhagfræðingur SI
• Fráveitur – Reynir Sævarsson, byggingarverkfræðingur hjá Eflu og formaður Félags ráðgjafarverkfræðinga
• Vegakerfi – Ásmundur Magnússon, byggingartæknifræðingur á samgöngusviði hjá Mannviti
• Fasteignir ríkis og sveitarfélaga – Sverrir Bollason, skipulagsfræðingur hjá VSÓ

Umræður – Sigurður Hannesson, framkvæmdastjóri SI, Sigurður Ingi Jóhannsson, samgöngu- og sveitarstjórnarráðherra, Rósa Guðbjartsdóttir.

• 1 blogg um fréttina

Bloggað um fréttina

• Ómar Ragnarsson: "Afhendingaröryggi til heimila og fyrirtækja" - les: ...til stóriðju og …