Um 50 starfsmenn og sjúklingar á Landspítala eru í sóttkví vegna smits sem greindist hjá starfsmanni göngudeildar Landspítalans. Þetta segir Már Kristjánsson, yfirlæknir smitsjúkdómadeildar, í samtali við mbl.is

Starfsmaðurinn vinnur á göngudeild A3 í Fossvogi. Þar er starfrækt göngudeild smitsjúkdóma, lungnasjúkdóma og ofnæmislækninga auk þess sem svefnrannsóknardeild er nærliggjandi.

Frétt af mbl.is

Smit á Landspítala

Starfsmaðurinn fann fyrir einkennum fyrir helgi og fór umsvifalaust í sýnatöku en fékk neikvætt út. Einkenni versnuðu á föstudag og þegar hann fór í aðra sýnatöku á laugardagsmorgun reyndist niðurstaðan jákvæð.

Már segir að smitin hafi mikil áhrif á starfsemina. „Við lokuðum göngudeildinni fram í vikuna,“ segir Már og bætir við að það hafi verið gert bæði þar sem þrífa þarf deildina hátt og lágt og vegna þess að stór hluti starfsmanna er kominn í sóttkví. „Við teljum að það sé mikilvægt að gera frekar meira en minna. Stakt smit sem kemur upp í starfsemi getur haft mikil áhrif ef það breiðist út.“

Engar niðurstöður hafa fengist enn úr sýnatöku annars starfsfólks og sjúklinga, en von er á fyrstu niðurstöðum síðar í dag.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 3 blogg um fréttina

Bloggað um fréttina

• Helga Dögg Sverrisdóttir: Áminning- lítið þarf til
• Þórdís Björk Sigurþórsdóttir: Óbólusettir starfsmenn á smitsjúkdómadeild - en fólk á grafarbakkanum bólusett!
• Ómar Ragnarsson: Vonandi ekki eins slæmt og á Landakoti.