Kvikugangurinn heldur áfram að stækka og er mesta kvikuflæðið bundið við suðurenda hans sem nær frá Keili að Fagradalsfjalli. Á meðan kvika heldur áfram að flæða inn í ganginn þarf að reikna með að það geti gosið á svæðinu.

Eftir því sem núverandi ástand stendur lengur aukast líkur á gosi. Afar litlar líkur eru á því að slíkt gos nái í byggð. Þetta kom fram á fundi vísindaráðs almannavarna í dag.

Frétt af mbl.is

Hægt hafi örlítið á kvikuflæði

Mikilvægt að fylgjast náið með virkninni í suðurhlíðum Fagradalsfjalls til að sjá hvort að þessi virkni er vísbending um að kvikugangurinn sé að stækka í suður.

Ef kvikugangurinn heldur áfram að stækka og valda spennu á svæðinu, má eiga von á skjálftum sem finnast í byggð, sambærilegum þeim sem orðið hafa síðustu sólarhringana.

Eins og staðan er metin núna situr kvikan mjög grunnt, á 1-1.5 km dýpi.

Fagradalsfjall. mbl.is/Eggert Jóhannesson

Gæti brotist upp án átaka

„Það er mikilvægt að átta sig á því að ef kvika brýtur sér leið alla leið upp á yfirborðið þá má búast við að það gæti gerst án mikilli átaka eða skjálftavirkni. Dæmi um slíkt má sjá í gosinu sem hófst á Fimmvörðuhálsi árið 2010,“ segir í tilkynningu.

Frétt af mbl.is

Eldgos æ líklegra

„Þá sáust ekki skýr merki um upphaf goss á mælitækjum Veðurstofunnar og voru það fréttir frá sjónarvottum sem staðfestu að kvika væri komin upp. Í þessu ljósi hefur Veðurstofan sett upp vefmyndavélar sem hægt er að notast við til að fylgjast með því ef kvika kemur upp.“

Tengdar fréttir

Eldvirkni á Reykjanesskaga

Vinna að því að verja rafmagnsmöstur við Svartsengi

• Hættumat lækkað í Grindavík
• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Þarf nýja sýn og nýtt mat á alla byggð og …