Víðir Reynisson, yfirlögregluþjónn hjá almannavarnadeild ríkislögreglustjóra, segir að verulega hafi dregið úr virkni gossins síðan í nótt. Þetta hafi vísindamenn Veðurstofunnar og jarðvísindadeildar Háskóla Íslands séð þegar þeir flugu yfir svæðið núna í morgun. „Pínulítið gos,“ sagði Víðir þegar hann lýsti gosinu.

Víðir segir að það liggi blátt ský yfir eldstöðvunum sem sé merki um gasmengun, en þó sé ekkert sem bendi til hættu í byggð.