Ríkisstjórnin fundar um aðgerðir vegna Covid-19
Útlit er fyrir að blaðamannafundur verði haldinn í dag. Hér Sjást Lilja Alfreðsdóttir, Katrín Jakobsdóttir og Svandís Svavarsdóttir á blaðamannafundi í Hörpu.
mbl.is/Eggert Jóhannesson
Ragnhildur Þrastardóttir
Setja bókamerki
Ríkisstjórn Katrínar Jakobsdóttur mun funda um tillögur Þórólfs Guðnasonar sóttvarnalæknis um aðgerðir vegna kórónuveirufaraldursins eftir hádegi í dag. Í framhaldinu verður væntanlega boðað til blaðamannafundar.
Þetta staðfestir Lára Björg Björnsdóttir, upplýsingafulltrúi ríkisstjórnarinnar, í samtali við mbl.is.
„Ríkisstjórnin á eftir að fá tillögur frá Þórólfi. Þegar ríkisstjórnin fær þær tillögur verður haldinn ríkisstjórnarfundur og svo væntanlega blaðamannafundur í framhaldinu,“ segir Lára Björg.
Enn er óljóst klukkan hvað ríkisstjórnin mun funda og hvenær blaðamannafundurinn verður haldinn.
17 smit greindust innanlands í gær. Af þeim voru 11 smit meðal barna í Laugarnesskóla.
Ekkert ferðaveður og vegalokanir á jóladag
Búið að opna Hellisheiði
KEF Spa: „Eitthvað sem þú hefur ekki séð áður“
Éljagangur en síðan slydda eða rigning
„Við munum grípa inn í“
/frimg/1/53/82/1538213.jpg)
„Hálendið eiga menn að skoða“