Hafa eftirlit með erlendum ferðamönnum
Setja bókamerki
Björgunarsveitarfólk frá Slysavarnafélaginu Landsbjörg mun aðstoða lögregluna á Suðurnesjum við að hafa eftirlit við gosstöðvarnar, aðallega með erlendum ferðamönnum en lokun tók gildi þar klukkan 13.
Eitthvað hefur borið á því að ferðamenn hafi komið beint úr Flugstöð Leifs Eiríkssonar á gosstöðvarnar og brotið þannig sóttkví.
Þetta segir Davíð Már Bjarnason, upplýsingafulltrúi hjá Landsbjörg, og bætir við að þetta hafi verið rætt á stöðufundi í morgun.
Hann tekur þó fram að aðaláhersla björgunarsveitarfólks á svæðinu í dag verður að gæta öryggis fólks.
Eftirlit verður við upphaf gönguleiðarinnar og mun lögreglan hafa umsjón með því en björgunarsveitarfólk liðsinna henni.
Svæðið verður rýmt áður en vonskuveðrið skellur á seinnipartinn í dag. Kona varð viðskila við gönguhóp sinn í gærkvöldi, auk þess sem farið var í nokkra sjúkraflutninga til að aðstoða fólk á svæðinu.
„Þetta er íslensk náttúra og svona hlutir geta gerst. Menn vilja síður lenda í því að kalla fólk út seinnipartinn eða í nótt þegar veðrið er orðið slæmt. Við viljum fyrirbyggja að einhver komi sér í vanda á þessu svæði,“ segir Davíð Már.
/frimg/1/53/8/1530844.jpg)
Myndir: Náttúrulegur þröskuldur að taka við
Mæðgur dæmdar til að greiða 64 milljónir
Virknin dregist saman um 600 metra
Myndir: Grindavíkurvegur aftur undir hraun
„Erum í miðri hrinu“: Styttist í Eldvörp
Börn hafi engan rétt á leikskólakennslu
Hluti bílastæðis undir hraun: Ómögulegt að meta tjón