Slösuðust á rafskútum

Um tuttugu mínútur í miðnætti var í gærkvöldi tilkynnt um rafskútuslys í Vesturbæ Reykjavíkur. Lögregla kom að ölvuðum manni liggjandi utandyra og var leiguhlaupahjól við hlið hans. Maðurinn var töluvert blóðugur í andliti, efri vör hans mjög bólgin og tvær tennur brotnar. 

Að því er fram kemur í dagbók lögreglu kom sjúkrabifreið á vettvang og hlúði að manninum, en hann vildi ekki fara með bifreiðinni á bráðadeild. 

Um 15 mínútur í miðnætti var tilkynnt um rafskútuslys í Hafnarfirði. Kona hafði fallið af rafskútunni og var sögð meðvitundarlaus með blæðingu úr höfði. Ekki fengust nánari upplýsingar um líðan konunnar. 

Þá var tilkynnt um þriðja rafskútuslysið í Hafnarfirði klukkan 3:30, en ekki fengust upplýsingar um hvort einhver hafi slasast. 

• 1 blogg um fréttina

Bloggað um fréttina

• Ómar Ragnarsson: Langalgengustu stórslys á vélhjólum og skottum vegna ölvunar og hjálmleysis.