Tímabært að endurskoða fjölmiðlalögin
Setja bókamerki
Katrín Jakobsdóttir forsætisráðherra telur að það sé tímabært að endurskoða fjölmiðlalögin. Hún segir óásættanlegt og óeðlilegt að fyrirtæki reyni að beita sér í kjöri innan Blaðamannafélags Íslands (BÍ).
Lilja Alfreðsdóttir, mennta- og menningarmálaráðherra vildi ekki tjá sig um málið að svo stöddu en sagði að það biði betri skoðunar.
Kjarninn og Stundin fullyrða að Samherji hafi gert tilraunir til þess að hafa áhrif á formannskjör Blaðamannafélags Íslands í von um að koma í veg fyrir að Sigríður Dögg Auðunsdóttir, nýkjörinn formaður, yrði nýr formaður félagsins. Vísað er í upplýsingar úr stafrænum samskiptum nokkurra starfsmanna Samherja.
/frimg/1/26/44/1264413.jpg)
„Ég hef áður lýst þeirri skoðun minni að mér finnst Samherji hafa gengið alltof langt. Bæði með auglýsingum sem fyrirtækið hefur verið að birta gagnvart nafngreindum einstaklingum og fjölmiðlamönnum,“ sagði Katrín í samtali við mbl.is eftir fund ríkisstjórnarinnar í dag.
Hún segir það óásættanlegt og óeðlilegt að fyrirtæki geri tilraun til að beita sér í kjöri formanns Blaðamannafélagsins, hvað þá ef um er að ræða hugmyndir um að beita sér innan stjórnmálaflokka gagnvart því hvernig þeir stilli upp lista. „Þá eru fyrirtæki farin langt fram yfir þau mörk sem við teljum eðlilegt í samfélaginu.“
Kallað hefur verið eftir að stjórnvöld móti spillingarvarnir, í framhaldi af því sem fram hefur komið varðandi tilraunir Samherja. Aðspurð hvort henni þyki líklegt að mál Samherja verði til umræðu á næsta ríkisstjórnarfundi segir Katrín að um sé að ræða margháttuð mál, sem mörg lúti að fjölmiðlalöggjöfinni.
„Það er kominn tími til að endurskoða fjölmiðlalögin, bæði út frá stöðu blaðamanna en líka út frá of miklum sveigjanleika í tengslum við skoðanaauglýsingar. Nú erum við alltaf að herða reglurnar um stjórnmálaflokkana, hvað þeir megi og megi ekki gera, um leið erum við með opið regluverk um aðila sem birta þessar skoðanaauglýsinga,“ segir Katrín.
Reiðubúin að aflýsa verkföllum í fjórum leikskólum
Dómur þyngdur um þrjú ár
/frimg/1/53/7/1530787.jpg)
Flogið á milli ljósaskipta
Yfir 300 stæði fóru undir hraun
Hótar Bretum og Bandaríkjamönnum
Litlar líkur á að hraunið nái til mannvirkja
Þarf að koma til móts við ólíkar þarfir lækna