Bólusetning AstraZeneca frestast um viku
Setja bókamerki
Ragnheiður Ósk Erlendsdóttir, framkvæmdastjóri hjúkrunar hjá Heilsugæslu höfuðborgarsvæðisins, segir að bóluefni AstraZeneca muni ekki berast fyrr en á föstudag eða laugardag og því víst að ekki verði bólusett á fimmtudag með efninu líkt og stóð til.
„Við vitum ekki alltaf nákvæmlega hvenær efnin berast. Við erum að reyna að hafa fyrirsjáanleika í ófyrirséðum aðstæðum,“ segir Ragnheiður.
Á morgun verður bólusett á höfuðborgarsvæðinu með Janssen og er haldið áfram með handahóf aldurshópa. Boð hafa fengið: karlar 1990, 1991, 1995, 1998, og konur 1985, 1989, 1990, 1991, 1995, 1999. Eftir kl. 14 geta þau komið sem eiga eldra boð í Janssen-bóluefnið, meðan birgðir endast.
Að sögn Ragnheiðar verður staðan skoðuð eftir morgundaginn, hvort haldið verður áfram með Janssen-bólusetningu á fimmtudaginn. „Ef við sjáum að það verði stöðugur straumur af fólki eftir kl. 14 á morgun sem við ráðum ekki við, þá skellum við í lítinn Janssen-dag á fimmtudag,“ segir Ragnheiður og bætir við að heilsugæslan eigi um fimm þúsund auka Janssen-skammta til þess að nota í þessari viku.
33 þúsund bólusettir í vikunni
Á vef landlæknis segir að í þessari viku verði um 33 þúsund einstaklingar bólusettir hér á landi með þremur tegundum bóluefna.
Samtals fá um 18 þúsund bóluefni Pfizer, þar af fá 8.500 fyrri bólusetninguna. Á landsbyggðinni fá liðlega 5.000 seinni skammtinn af AstraZeneca og 10 þúsund einstaklingar fá boð í Janssen.
Stæði fyrir rútur verði skammt frá Bláa lóninu
Koma fyrstu tölur á sunnudagskvöldið?
Heimildarmenn tala um hápólitískt drama
Fæðuöryggi: „Áttum mat í þrjár vikur“
Sendi nektarmyndir af dreng sem hann passaði
Diegó er fundinn
Hvatti kjósendur til þess að greiða ógild atkvæði
Létu lofthræðsluna ekki á sig fá