Óvissuferðin tókst vel
Karítas Ríkharðsdóttir
Setja bókamerki
„Við erum mjög stolt af því að hafa náð að framkvæma prófkjör í öllum kjördæmum þannig að yfir tuttugu þúsund manns hafa tekið þátt,“ segir Bjarni Benediktsson, formaður Sjálfstæðisflokksins og fjármálaráðherra í samtali við mbl.is.
Fram kemur á Facebook-síðu flokksins að samanlögð kjörsókn í prófkjörum Sjálfstæðisflokksins hafi verið 20.771 atkvæði. Jafngildir það 10,3% allra þeirra sem tóku þátt í alþingiskosningum árið 2017.
„Í öllum aðalatriðum hefur þetta tekist vel og ég finn fyrir mikilli spennu að komast út í baráttuna,“ segir Bjarni.
Spurður út í áberandi árangur kvenna í prófkjörum Sjálfstæðisflokksins segir Bjarni það hafa aukist að fólk horfi til fjölbreytni.
„Að framkvæma prófkjör er ákveðin óvissuferð. Maður hefur orðið var við það að þátttakendur í prófkjörunum virðist í auknum mæli horfa til þess við samsetningu á listum að það sé fjölbreytni á listunum, þar með talið kynjajafnvægi. Mér sýnist að þær áherslur hafi náð í gegn hjá okkur,“ segir Bjarni.
Hentugt gos fyrst gýs á annað borð
„Höfum sloppið bærilega með skaða af þessu gosi“
Sjötti ferðamaðurinn er látinn
Viðræður ekkert þokast frá því á þriðjudag
Hópur fólks reyndi að komast að eldgosinu
Litlar líkur á að hraunið nái til mannvirkja
Fullvissa ferðamenn um að hér sé öruggt