90% landsmanna geta komið óhindrað til landsins
Setja bókamerki
Sýnatökum og kröfu um framvísun neikvæðra PCR-vottorða við komuna til landsins verður hætt frá og með 1. júlí hjá þeim sem framvísa bólusetningarvottorði eða um fyrri covid-sýkingu. Sýnatöku hjá börnum verður einnig hætt. Áfram verða þó einhverjar ráðstafanir á landamærunum fram eftir sumri. Þetta kom fram í máli Svandísar Svavarsdóttur heilbrigðisráðherra á blaðamannafundi ríkisstjórnarinnar í Safnahúsinu fyrir hádegi.
„Með þeim breytingum verða flestallar takmarkanir á ferðum bólusettra og barna til landsins afnumdar og því geta um 90% landsmanna komið óhindrað til landsins,“ sagði Svandís.
Bólusetningarvottorð telst gilt þegar 14 dagar eru liðnir frá seinni skammti (eða 14 dagar frá Janssen skammti). Ef vottorð er ekki gilt þarf einstaklingur að fara í tvær sýnatökur og fimm daga sóttkví á milli.
Það á jafnframt við um þá sem ekki geta framvísað bólusetningarvottorði eða vottorði um fyrri smit.
Minnisblað sóttvarnalæknis um landamærin
Beint: Ný ríkisstjórn tekin við völdum
Barn lést í árásinni
Fyrsti blaðamannafundurinn í heild sinni
Var engin kristnitaka árið 1000?
Skattamál verði líklega „þeirra mesta klemma“
Forstjóri bendir á ábyrgð birgja vegna verðhækkana
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
