Ekki stendur til að bjóða upp á fyrstu skammta með Pfizer-bóluefni fyrir óbólusetta, þ.m.t. börn 12–15 ára, á sumarleyfistíma heilsugæslustarfsmanna. Þetta kemur fram í tilkynningu frá sóttvarnalækni á vef embættis landlæknis. Sumarleyfistíminn er hafinn, hann hófst 28. júní og stendur hann til loka ágústmánaðar.

„Mögulega verða þó gerðar einhverjar fyrstu bólusetningar með Pfizer fyrir einstaklinga í áhættuhópum sem vegna læknisfræðilegra ástæðna hafa ekki getað þegið bólusetninguna þegar hún var boðin fyrr á árinu,“ segir í tilkynningunni. 

Frétt af mbl.is

„Leyfum börnunum að njóta vafans“

Hafa ekki mælt með almennri bólusetningu barna

Þar kemur einnig fram að ekki hafi verið tekin ákvörðun um að mæla með almennri bólusetningu gegn Covid-19 fyrir börn á aldrinum 12–15 ára.

„Meta þarf líkur á alvarlegum veikindum vegna Covid-19 á móti hættu á alvarlegum aukaverkunum og ekki liggja fyrir fullnægjandi upplýsingar um alvarlegar aukaverkanir til að réttlæta almenna bólusetningu hraustra barna sem eru í afar lítilli hættu á alvarlegum veikindum vegna Covid-19. Ef til þess kemur að mælt verði með almennri bólusetningu barna á grunnskólaaldri er líklegt að hún verði boðin í gegnum skólaheilsugæslu eins og aðrar almennar bólusetningar barna á grunnskólaaldri.“

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Þórdís Björk Sigurþórsdóttir: Börn betur sett með náttúrulega sýkingu heldur en bóluefnið segir …