Þórólf­ur Guðna­son sótt­varna­lækn­ir vildi ekki tjá sig um inni­hald minn­is­blaðsins sem rík­i­s­tjórn­in fundaði um, þegar blaðamaður náði tali af hon­um í há­deg­inu. Nú ligg­ur fyr­ir að bólu­sett­ir ferðamenn munu koma til með að þurfa að fram­vísa nei­kvæðu PCR-prófi við komu til lands­ins.  

Eins og fram hef­ur komið greind­ust sex­tán manns smitaðir með veiruna í gær. Ekki ligg­ur fyr­ir hvert hlut­fall bólu­settra er í þeim hópi, en Þórólf­ur seg­ist gera ráð fyr­ir því að stærst­ur hluti hóps­ins sé bólu­sett­ur.

Hann seg­ir erfitt að meta stöðuna að svo stöddu. Margt geti spilað inn í, svo sem hvaða af­brigði geri sig mest gild­andi og hvort fólk sé að veikj­ast al­var­lega.

„Það að bólu­setn­ing­in sé með 90% virkni gegn al­var­legu smiti seg­ir okk­ur að lang­stærst­ur hluti þeirra sem smit­ast eru með væg ein­kenni. En þetta gæti auðvitað breyst, við vit­um til dæm­is ekk­ert hvað ger­ist ef að smit fer að ber­ast inn í viðkvæma hópa,“ seg­ir Þórólf­ur.

Frétt af mbl.is

Sex­tán greind­ust inn­an­lands

Gæt­um þurft að grípa til aðgerða inn­an­lands

Spurður hvort sú sviðmynd, að grípa þurfi að nýju til tak­mark­ana inn­an­lands, sé mögu­leg seg­ir hann:

„Já það gæti gerst. Ef við sjá­um mikið af al­var­leg­um veik­ind­um og eitt­hvað sem kem­ur okk­ur á óvart, þá er bara eitt í stöðunni og það er að grípa til þeirra aðgerða sem við höf­um gert áður og vit­um að virka.“

Hann bend­ir einnig á að þegar að al­var­leg veik­indi fara að bera á sér í aukn­um mæli, þá sé al­mennt langt liðið á bylgj­una og þær aðgerðir sem gripið væri til, því ekki jafn ár­ang­urs­rík­ar. Þetta sé því ávallt spurn­ing um hvenær eigi að grípa til aðgerða og hvenær sam­fé­lagið sé til­búið að hlíta þeim aðgerðum sem sett­ar eru.

En hversu margt fólk þarf að veikj­ast al­var­lega svo hægt sé að rétt­læta aðgerðir inn­an­lands?

„Það er eng­in ákveðin tala sem seg­ir okk­ur það. Við verðum bara að meta þró­un­ina í þessu hverju sinni. Þetta er það sem við erum að reyna að fylgj­ast með í sam­starfi við Land­spít­al­ann.“

Tengd­ar frétt­ir

Kór­ónu­veir­an Covid-19

Lík­lega rangt að loka öllu

• „Eins og að vakna upp í allt öðru lífi“
• Rétt­inda­mál covid-sjúk­linga í lamasessi
• Hug­hreyst­andi bros á lækna­vakt
• Í fimm ára fang­elsi fyr­ir að hvetja til hryðju­verka

» Fleiri tengd­ar frétt­ir

• 2 blogg um frétt­ina

Bloggað um frétt­ina

• Geir Ágústs­son: Eng­in leið að vita neitt og verðum bara að sjá …
• Páll Vil­hjálms­son: Kaup­höll­in rauð en þjóðin sæl