Þyrla Gæslunnar gat ekki sinnt útkalli vegna bilunar
Setja bókamerki
Þyrlur Landhelgisgæslunnar hafa verið óflughæfar í rúman sólarhring en óvænt bilun kom upp í TF-EIR sem olli þessu ástandi. Þyrlunni var komið í lag í kringum áttaleytið. Þetta segir Ásgeir Erlendsson, upplýsingafulltrúi Landhelgisgæslunnar, í samtali við mbl.is.
„Klukkan fjögur barst Landhelgisgæslunni beiðni um aðstoð þyrlusveitar, en þar sem verið var að leggja loka hönd á lagfæringu TF-EIR var gripið til þess ráð að senda lækni þyrlunnar með séraðgerðasveit Landhelgisgælunnar sem ók með forgangsakstri til Hveragerðis þar sem læknirinn fór um borð í sjúkrabílinn og hélt þar áleiðis til Reykjavíkur,“ segir Ásgeir.
Aukahlutir ekki á landinu
Hann bætir við að í þessari viku var gert ráð fyrir að TF-GNA og TF-EIR væru til taks á meðan TF-GRO væri í langtímaviðhaldsskoðun en óvæntar bilanir hafi sett strik í reikninginn.
„Þessar bilanir eru ekki umfangsmiklar en þeir aukahlutir sem vantar til þess að TF-GNA verði flughæf eru ekki á landinu og þeirra er nú beðið. Flugvirkjar Landhelgisgæslunnar hafa unnið hörðum höndum síðasta sólarhringinn að laga TF-EIR.“
Ásgeir segir sjaldgæft er að allar þyrlur Landhelgisgæslunnar séu óflughæfar. Þyrlurnar hafa flogið meira en í meðal mánuði vegna fjölda verkefna og æfinga. Síðan var einnig mikið álag á flugdeild Landhelgigæslunnar um verslunarmannahelgina.
„Þessi staða getur komið upp og hefur gert það áður en það er sjaldgæft en alvarlegt þegar svona gerist.“
„Fáránleg“ vegferð Trumps sýni mikilvægi Grænlands
Hleypt úr fangelsum til að berjast við eldana
„Ég á 10-15 vini sem eru búnir að missa allt“
Stefnt að því að auka ekki útgjöld á árinu
/frimg/1/54/11/1541176.jpg)
Svona eru tilviljanirnar fyndnar
Vill ekki fresta landsfundi
Ráðamenn þurfa að hafa búið áður á staðnum