Þurfi að ræða stöðu Bjarna í forystu
Setja bókamerki
Páll Magnússon, fráfarandi þingmaður Sjálfstæðisflokksins, segir að ræða þurfi stöðu Bjarna Benediktssonar, formanns flokksins, í viðtali við Fréttablaðið í dag.
„Sjálfstæðismenn hljóta að ræða hvort það sé fullreynt að ná árangri með núverandi formanni og forystu,“ segir Páll þar.
Páll hefur verið gagnrýninn á stöðu flokksins og fylgismissi í aðdraganda brotthvarfs síns af þingi, meðal annars í aðsendri grein í Morgunblaðinu sem birtist í júlí þar sem hann spurði hvort flokkurinn væri í sjálfheldu.
Ótti við að missa fylgi til Viðreisnar og Miðflokks
Bæði í viðtalinu og aðsendu greininni gagnrýnir Páll stjórn flokksins og segir hana hvorki þora að vera frjálslynd né íhaldssöm, af ótta við að missa fólk yfir til Viðreisnar og Miðflokksins.
„Í Sjálfstæðisflokknum hefur skapast andrými fyrir þá skoðun að þú sért að bregðast flokknum með því að gagnrýna forystuna. Ég vil hins vegar meina að þú sért að bregðast með því að gera það ekki þegar þörf er á, eins og nú er,“ segir Páll í viðtalinu.
Páll mun nú stýra þáttunum Pólitík með Páli Magnússyni á sjónvarpsstöðinni Hringbraut fram að kosningum í lok september.
Fréttin hefur verið uppfærð
Vilja flytja út fisk gegnum Ísland
Biður fólk um að vera ekki á ferðinni
Kannanir nákvæmari en fyrir fjórum árum
Biden ávarpar Bandaríkjamenn eftir sigur Trumps
Jón Ingi heimsmethafi í mynsturstökki
Evrópuumræðu laumað á dagskrá
„Fólk ætti að fara að öllu með gát“