Lýsa yfir áhyggjum af framtíðarsýn sóttvarnalæknis
Setja bókamerki
Stjórn samtaka fyrirtækja í veitingarekstri lýsa yfir áhyggjum af framtíðarsýn Sóttvarnalæknis þar sem hann leggur til að veitingastaðir, krár og skemmtistaðir loki klukkan 23:00 öll kvöld vikunnar næstu misseri.
Samtökin segjast skora á sóttvarnalækni að veita haldbær rök, studd gögnum og tölulegum upplýsingum um nauðsyn þess að skerða afgreiðslutíma veitinga- og skemmtistaða svo verulega með tilheyrandi tjóni fyrir greinina.
„Þessi framtíðarsýn er eins og blaut tuska framan í stóran hluta veitingamarkaðarins sem hefur verið meira og minna óstarfhæfur frá því að veiran kom fyrst til landsins,“ segir í yfirlýsingunni.
„Krár og skemmtistaðir hafa þurft að lúta ströngustu sóttvarnarreglum með tilliti til opnunartíma, gestafjölda, skráningu gesta og grímuskyldu. Á þeim tíma hafa ekki verið færð fyrir því nein rök að fleiri smit hafi komið upp hjá fyrirtækjum á veitingamarkaði en hjá öðrum hópum í samfélaginu.“
Hafa áhyggjur að skemmtun færist annað
Þá lýsa samtökin yfir áhyggjum af því að skemmtunin færist einfaldlega annað en þau telja ljóst að fólk muni ekki hætta að hittast og skemmta sér sér heldur færa sig í heimahús eða annað húsnæði þar sem ekkert eftirlit er.
Þar muni myndast svipuð eða meiri hætta á hópsmiti og nú þegar er fyrir hendi á veitinga- og skemmtistöðum.
„Í greininni starfa um 10.000 manns — að stórum hluta til ungt fólk sem mun missa vinnu við slíkar aðgerðir. Auk þess gerir ófyrirsjáanleikinn , sem blasir við greininni, henni ókleift að fara inni í veturinn.“
„Það er algerlega órökstutt hvers vegna þörf sé á svo hörðum aðgerðum sem beinast að veitingamarkaðnum þegar hundruð manna hópast á aðra staði, t.d. á alþjóðaflugvöllinn í Keflavík, á sundstaði, í líkamsræktarstöðvar, verslanamiðstöðvar og á íþróttaleiki.“
„Við höldum áfram þangað til við erum búin“
Formaðurinn útilokar ekki undirritun í kvöld
Vilja 20 ára dóm í frönsku nauðgunarmáli
Viðtöl við oddvitana í Suðurkjördæmi
Þurfa að fjölga um 100 legurými
Þrír menn ruddust inn í íbúð í Vesturbænum
Í kappi við tímann að reyna að afstýra verkfalli