„Það er kominn ákveðinn vendipunktur í þessu máli þegar Hjálpræðisherinn hleypur undir bagga með borginni,“ segir Eyþór Arnalds borgarfulltrúi Sjálfstæðisflokksins. 

Hann metur borgina bæði ófæra um að útvega húsnæði, enda hafi hún þurft að leita á náðir Hjálpræðishersins, og ófæra um að taka ákvörðun. 

Eyþór vísar þá til könnunar sem foreldrum var boðið að taka þátt í á föstudag til þess að hafa áhrif á ákvarðanatöku um hvar skólastarf yrði til húsa uns færanlegar kennslustofur eru tilbúnar. Hefur hún hlotið mikla gagnrýni. 

Ómerkilegt þykir Eyþóri að ábyrgðinni á ákvarðanatökunni hafi verið ýtt yfir á foreldra með könnun sem hann metur stórgallaða. „Persónuverndarsjónarmiðum var ábótavant, svo var hún opin og fresturinn skammur.“

Börn í 2. til 4. bekk í Fossvogsskóla mættu í dag í húsnæði Hjálpræðishersins til að hefja skólagöngu sína aftur eftir sumarfrí. mbl.is/Kristinn Magnússon

Borgin neitaði Hjálpræðishernum um lóð 

Eyþór bendir á að það sé kaldhæðnislegt að Hjálpræðisherinn taki nú á móti nemendum í húsnæði sem stendur á lóð sem borgaryfirvöld neituðu að láta Hjálpræðisherinn hafa, nema gegn gjaldi, á sínum tíma. „Nú er gott að hafa Hjálpræðisherinn.“

Lögum samkvæmt fá trúfélög úthlutað lóðum fyrir starfsemi sína endurgjaldslaust. Hjálpræðisherinn er skilgreindur sem trúfélag, en þegar hann sótti um að fá úthlutað lóð fékk hann það ekki. Var litið svo á að Hjálpræðisherinn gæti ekki fengið úthlutað nýrri lóð því hann hefði átt lóð fyrir í miðbæ Reykjavíkur. 

Frétt af mbl.is

Herinn fær ekki lóð án endurgjalds

Borgarstjóri hvergi sjáanlegur

Eyþór segir mál Fossvogsskóla vera skólabókardæmi um klúður. 

„Má segja að þetta sé klúður í tveimur meginþáttum. Fyrst margra ára vanræksla á viðhaldi og svo algert úrræðaleysi í þrjú ár með hvernig taka eigi á vandanum. Börnin flakkandi á milli í óvissu á sama tíma og heimsfaraldur geisar. Þetta er stjórnlaust.“

Aðkoma borgarstjóra, Dags B. Eggertsonar, í málinu þykir Eyþóri ekki til marks um hugrekki. „Hann sést þegar allt er í lagi en þegar á bjátar hverfur hann bara. Borgarstjóri hefur ekkert sést í þessu máli.“

Eyþór hræðist að skólinn verði ekki kominn í lag fyrir næsta vetur.

Tengdar fréttir

Mygla í húsnæði

Ekkert skilið eftir nema útveggirnir

• Stefndi skólanum vegna vinnuumhverfis
• Tölvupóstarnir fóru „í svarthol“ í Borgartúni
• Myglan hefur áhrif á verð og sölu
• Landsvirkjun selur höfuðstöðvarnar

» Fleiri tengdar fréttir

• 1 blogg um fréttina

Bloggað um fréttina

• Tómas Ibsen Halldórsson: Lof sé Guði fyrir Hjálpræðisherinn.