Vefur landskjörstjórnar er kominn í loftið á ný en líkt og mbl.is greindi frá í dag lá vefurinn niðri um stund. Ástæðan var tæknivandi hjá aðkeyptri þjónustu.

Í samtali við mbl.is fyrr í dag vissi Kristín Edwald, formaður landskjörstjórnar, ekki hvað varð til þess að vefurinn lægi niðri en kvaðst hún þó ætla að reyna að komast til botns í málinu.

Tæknileg breyting olli vandanum

Laufey Helga Guðmundsdóttir, ritstjóri og ritari landskjörstjórnar, segir í samtali við mbl.is að þjónusta sem Alþingi notast við og heitir „Let´s Encrypt“ hafi „skipt um rótarskilríki“ nú í mánuðinum og því hafi ýmis hugbúnaður ekki meðtekið þær breytingar rétt og það olli vandræðum á vefnum.

Líklegt verður að teljast að vefur landskjörstjórnar, sem alla jafnan er ekki fjölsóttur, þurfi að takast á við meiri umferð nú en oft áður vegna þeirra aðstæðna sem uppi eru í kjölfar talninga atkvæða í norðvesturkjördæmi en liggur nú fyrir að það var ekki skýring vandans.

„Við vonum bara að það verði ekki frekari truflanir vegna þessa,“ segir Laufey að lokum.

Frétt af mbl.is

Vefur landskjörstjórnar liggur niðri

Tengdar fréttir

Alþingiskosningar 2021

Hafa „ágætis tíma“ til úrbóta

• Spyr hvort að ekki þurfi að boða til kosninga
• Niðurstaða MDE kallar á breytingar
• Niðurstaða MDE hefur engin bein réttaráhrif
• Stjórnvöld þurfi að axla ábyrgð

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Furðulegt ef leiðrétt talning á ekki að gilda.