Á næstunni verður strætó ekið um götur höfuðborgarinnar og fólki boðið að koma um borð í hann í bólusetningu gegn Covid-19. Óskar Reykdalsson, forstjóri Heilsugæslu höfuðborgarsvæðisins, segir að ná verði til óbólusettra.

Greint er frá málinu í Fréttablaðinu í dag.

Þar segir að strætóinn verði staðsettur á nokkrum stöðum á höfuðborgarsvæðinu á mismunandi tímum og allir sem hafa ekki fengið bólusetningu geti í hann komið og látið bólusetja sig.

Sóttvarnalæknir hafi í samstarfi við aðra greint hvaða hópar hafi ekki þegið bólusetningu og reynt verður að hafa strætóinn þar sem þeir hópar geti komist í hann.

Óskar segir mikilvægt að ná til sem flestra og minnka útbreiðslu sjúkdómsins og álagið á spítalanum.

Tengdar fréttir

Bólusetningar við Covid-19

Almenningur fékk ekki nægan aðgang að samningum

• „Það þarf að vinna mikinn fjölda upp“
• WHO: Bóluefni bjargað 1,4 milljónum mannslífa
• Bætur ef tjón verður af völdum bólusetningar
• „Flestar þessara aðgerða standast skoðun“

» Fleiri tengdar fréttir

• 1 blogg um fréttina

Bloggað um fréttina

• Geir Ágústsson: Tómur strætó