Íbúar Dalvíkur eru hvattir til að hafa hægt um sig á meðan unnið er að því að ná utan um hópsmit í bænum. Alls hafa 23 kórónuveirusmit greinst í bænum, þar af eru 19 börn smituð.

Íris Hauksdóttir, upplýsingafulltrúi, Dalvíkurbyggðar, segir að á fimmtudag hafi þrír tengdir grunnskólanum í bænum greinst með veiruna. 

Í framhaldi af því voru allir nemendur og kennarar skimaðir en ekkert skólahald var í dag og verður skólinn opnaður aftur í fyrsta lagi á miðvikudaginn. Alls voru á bilinu 360-370 skimaðir í gær og eru nú 23 með virkt smit í bænum.

Frétt af mbl.is

Skólanum skellt í lás vegna smita

Íris segir að stærstur hluti smitanna séu börn á yngsta stigi skólans.

„Íþróttamiðstöðin verður lokuð samhliða skólahaldi. Þá var tekin ákvörðun um að skella í lás í bókasafninu og menningarhúsinu yfir helgina,“ segir Íris en áhrifanna gætir víða enda þurfa foreldrar margir hverjir að vera heim með smituðum börnum sínum.

Íris segir ljóst að ef allir fari að settum fyrirmælum verði mjög róleg stemning á Dalvík um helgina. Hún vonast til þess að hægt verði að halda bænum í rólegum gangi í nokkra daga og þannig ná tökum á veirunni skæðu.

„Hér eru allir jákvæðir og í sameiningu að reyna sitt besta.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Peter Skoog: Hversu meira