Hópsmit kórónuveiru hefur komið upp á Alþingi en að minnsta kosti þrír þingmenn og tveir úr starfsliði þeirra hafa greinst með Covid-19. Líklegt þykir að fleiri smit eigi eftir að greinast en einn þingmaður til viðbótar bíður nú eftir niðurstöðu úr sýnatöku. Hann er með talsverð einkenni.

Rúv. greinir frá.

Þingmennirnir sem um ræðir tilheyra tveimur stjórnarandstöðuflokkum.

Haft er eftir Birgi Ármannssyni forseta Alþingis að ekki liggi fyrir hversu margir séu smitaðir en þetta sé þó ekki í fyrsta sinn sem þingmenn hafi greinst smitaðir af veirunni. Kalla þurfi varaþingmenn inn í slíkum tilfellum.

Allir þingmenn verða kallaðir í hraðpróf á mánudag en að sögn Birgis hafa sóttvarnaaðgerðir verið viðhafðar á þingi. Situr helmingur þingmanna inn í þingsalnum og hinn helmingurinn í hliðarsölum. Ekki er ljóst hverjir það eru sem þurfa að sæta sóttkví.

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Í Bandaríkjunum flokka þeir orðið kóvíðinn sem kynsjúkdóm