Bólar ekkert á minnisblaði
Setja bókamerki
Willum Þór Þórsson heilbrigðisráðherra segir ekkert minnisblað hafa borist frá Þórólfi Guðnasyni sóttvarnalækni þegar mbl.is náði sambandi við hann í kvöld.
Á föstudag kvaðst Willum eiga von á að fá minnisblaðið í hendurnar um helgina en núgildandi takmarkanir innanlands renna út þann 22. desember.
Í viðtali við mbl.is í morgun sagði Þórólfur að minnisblaðið væri í smíðum og væri nú á lokametrunum. Þá hefur hann áður sagt að afléttingar fyrir jól séu ólíklegar þó hann hafi ekki gefið upp hverju megi búast við á minnisblaðinu.
200 kórónuveirusmit greindust innanlands síðastliðinn sólarhring en Már Kristjánsson, yfirlæknir á smitsjúkdómadeild Landspítala óttast að útbreiðsla smita stefni í veldisvöxt. Telur hann að hæglega megi búast við 600 smitum á dag á næstunni. Segir hann þörf á frekari samkomutakmörkunum til að stemma stigu við útbreiðslu veirunnar.
Rannsókn á menningarnæturmáli lokið
Ekki hægt að slá gosið út af borðinu strax
Sendi nektarmyndir af dreng sem hann passaði
Íslensk kona handtekin á Tenerife eftir líkamsárás
Auka aðgengi að Grindavík
Dæla, kæla og verja mikilvæg mannvirki
Fæðuöryggi: „Áttum mat í þrjár vikur“
Ákærður fyrir stunguárás á menningarnótt