Jarðskjálfti af stærðinni 2,5 við Hamarinn
Setja bókamerki
Jarðskjálfti sem var 2,5 að stærð reið yfir rétt austan af Hamrinum í Vatnajökli klukkan 13:07 í dag. Tveir minni skjálftar fylgdu fljótlega á eftir, einn af stærðinni 1,6 suðaustan af Bárðarbungu og annar af stærðinni 2,0 austnorðaustur af Hamrinum.
Samkvæmt upplýsingum frá náttúruvársérfræðingi á Veðurstofu Íslands eru engin merki um óvenjulegan gosóróa á svæðinu.
Þá virðist ekkert lát vera á skjálftahrinunni í Vatnafjöllum en samkvæmt upplýsingum af vef Veðurstofu Íslands hafa minnst þrír skjálftar yfir stærðinni riðið yfir svæðið í dag.
„Það er áframhaldandi virkni þar eins og hefur verið síðastliðna daga. Hún pikkaðist aðeins upp í morgun en skjálftarnir hafa allir verið frekar litlir fram að þessu. Stærsti skjálftinn í dag var 1,9 að stærð og átti sér stað rétt fyrir klukkan eitt,“ segir Bryndís Ýr Gísladóttir, náttúruvársérfræðingur hjá Veðurstofu Íslands í samtali við mbl.is.
Spurð segir hún Veðurstofu ekki hafa borist neinar tilkynningar um skjálfta í dag, hvorki frá Vatnajökulssvæðinu né Vatnafjöllum.
Þá segir hún sérfræðinga rólega yfir stöðunni en að áfram sé fylgst vel með gangi mála.
Héldu að kvikuhlaup gæti verið að hefjast
Hvað verður um sakamálin ef Trump vinnur? Eða tapar?
„Við vorum alveg á nippinu“
Mjótt á munum degi fyrir kosningar
Funduðu að næturlagi vegna gruns um kvikuhlaup
Svona verður endaspretturinn
„Þetta er ljót mynd“
Ekki gerlegt að sakfella eftir lýsingu í ákæru