836 smit innanlands – enn eitt metið
Röðin í sýnatöku hefur verið löng síðustu daga.
mbl.is/Sigurður Bogi
Setja bókamerki
836 greindust með kórónuveiruna innanlands í gær, þar af voru 255 í sóttkví við greiningu. Þetta kemur fram á covid.is þar sem enn fremur kemur fram að alls hafi 893 smit greinst í gær, þar af 57 á landamærunum. Er um metfjölda smita að ræða, bæði innanlands og á landamærunum.
Áður höfðu mest greinst 664 smit innanlands en það var í fyrradag. Nýgengi innanlandssmita á hverja 100 þúsund íbúa er 1359,1 og hefur það aldrei verið hærra.
Tekin voru 5.695 sýni, þar af 3.522 einkennasýni. Alls voru 20,93% einkennasýna jákvæð en í gær voru 26,29% einkennasýna jákvæð.
4.995 eru nú í einangrun vegna Covid-19 og 7.060 í sóttkví.
21 er á sjúkrahúsi, þar af fjórir á gjörgæslu.
Ætla ekki að skila peningnum
Ákvörðun Trumps veldur titringi
Vonast til að menn sjái alvöru málsins
Bendir hveitifyrirtæki á kærumöguleika
Íbúar komnir heim á ný
Ráðast í átak eftir smitið á Mánagarði
„Þetta er ógnvænleg staða“
„Ég hef verið kjaftaskur mikill“