Réðust inn í íbúð og bundu húsráðanda niður

Menn ruddust inn í íbúð í Kópavogi í dag og réðust þar á húsráðanda, hótuðu honum og bundu hann niður.

Í framhaldinu tóku mennirnir muni og verðmæti á borð við greiðslukort og lyf. Fóru þeir svo af vettvangi og hótuðu að snúa aftur.

Maðurinn náði að losa sig og óskaði eftir því að lögregla kæmi á vettvang, að því er segir í tilkynningu frá lögreglu. 

Segir þar að mennirnir hafi snúið aftur áður en lögregla kom á vettvang. Er þeir heyrðu að lögregla væri á leiðinni forðuðu þeir sér.

Málið er til rannsóknar.

• 1 blogg um fréttina

Bloggað um fréttina

• Jóhannes Ragnarsson: Voru eftirmenn Kambsránsmanna að verki í Kópavogi í dag?