Samþykktu frestun gjalddaga á einum degi
Setja bókamerki
Tengdar fréttir
Alþingi
Þingfundi lauk rétt í þessu eftir að frumvarp fjármála- og efnahagsráðherra um frestun gjalddaga opinberra gjalda var samþykkt.
Halda þurfti þrjá þingfundi í dag og afgreiða málið með afbrigðum þar sem mælt var fyrir því um miðjan dag í dag og var það gert að lögum samdægurs.
Frumvarpið heimilar stjórnendum vínveitingastaða að fresta gjalddögum á sköttum og tryggingagjaldi.
Stjórnendur mega þá sækja um frestun tveggja gjalddaga opinberra gjalda og tryggingagjalds á fyrri hluta ársins. Gera þarf frestunina á gjalddögunum upp á fjórum gjalddögum á síðari hluta ársins. Frumvarpið var hluti af viðbrögðum ríkisstjórnarinnar við hertum sóttvarnaaðgerðum sem bitna hvað mest á veitingageiranum.
Þórdís Kolbrún Reykfjörð Gylfadóttir, starfandi fjármálaráðherra, mælti fyrir frumvarpinu í dag. Í máli hennar kom fram að frekari aðgerða væri að vænta til styrktar atvinnulífinu vegna harðra sóttvarnaaðgerða stjórnvalda.
Þingmenn stjórnarandstöðu fóru hver á eftir öðrum upp í pontu og kvörtuðu undan því hve seint málið er komið fram og hraða afgreiðslu þess.
Tengdar fréttir
Alþingi
Skæð fuglaflensa staðfest í Ölfusi
Esja lendir á Keflavíkurflugvelli
Yoon dregur í land
Skólahald hafið á ný í Árneshreppi
Fundurinn hófst með söng: „Við stöndum þétt saman“
Segir neyðarástand yfirvofandi
Ákæra um embættisbrot lögð fram