Sigmar Guðmundsson, þingmaður Viðreisnar, segir ljóst að stjórnvöld séu að bregðast við auknum þrýstingi á afléttingar í samfélaginu. Heilbrigðisráðherra og forstjóri Landspítala greindu frá því í í pistli á Vísi í morgun að ráðist yrði í afléttingar í skrefum.

„Sem er auðvitað rökrétt skref. Mér finnst þetta mjög varfærin grein, ég hefði viljað sjá aðeins nánar útlistað hvernig ætti að gera þetta,“ segir Sigmar.

Hann telur að á meðan staðan á spítalanum hafi farið fram úr björtustu spám gangi ekki að hafa tíu manna samkomutakmarkanir.

Spyr hvers vegna ekki hafi verið gripið til álagsgreiðslna fyrr

„Núna er skurðpunkturinn á milli mannréttinda og takmarkana á röngum stað. Eins og ég met stöðuna, hafandi hlustað meðal annars á sérfræðinga á spítalanum, þá þurfa menn að fara að aflétta aðgerðum hratt og örugglega,“ segir Sigmar.

Inntur eftir nánari skýringum hvers vegna segir hann:

„Ástæðan fyrir því er að tölurnar á spítalanum, sem alltaf er verið að vísa okkur á, þær ofureinfaldlega segja okkur að það sé ekki viðunandi að það séu svona rosalega harðar takmarkanir á meðan álagið er ekki meira á spítalanum og gjörgæslunni.“

Þá hnýtur hann um álagsgreiðslur starfsmanna á Landspítalanum, sem gripið verður til vegna ástandsins að því er fram kemur í pistlinum. 

„Þá veltir maður fyrir sér; hefðu slík úrræði ekki fyrr í faraldrinum getað líka gert það að verkum að takmarkanir ættu að vera vægari en þær voru. Mér finnst sú spurning svolítið áleitin miðað við framsetningu greinarinnar.“

Tengdar fréttir

Kórónuveiran Covid-19

Í fimm ára fangelsi fyrir að hvetja til hryðjuverka

• Stefna Norðmenn ríkinu vegna bólusetninga?
• 30% með langvarandi áhrif covid
• Mættu hafa í huga þar sem þeir kvarta á Tene
• „Er ég virkilega að deyja?“

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Málamyndagjörningur