Forseti Íslands, Guðni Th. Jóhannesson, vildi ekki tjá sig um þau ummæli Ólafs Ragnars Grímssonar, fyrrverandi forseta, að stækkun NATO hefði leitt til styrjaldar, í samtali við mbl.is á Bessastöðum í morgun.

Ummæli Ólafs Ragnars um innrás Rússa í Úkraínu og svo Vladimír Pútín, forseta Rússlands, hafa vakið athygli eftir að þau féllu í viðtali í Silfri ríkissjónvarpsins á sunnudag.

Frétt af mbl.is

Sagði stækkun NATO hafa leitt til styrjaldar

Þvinganir engum árangri skilað

Ólaf­ur gagn­rýndi þar Evr­ópu­sam­bandið og Atlants­hafs­banda­lagið fyr­ir að hafa gefið úkraínsku þjóðinni fyr­ir­heit um aðild að sam­bönd­un­um sem ráðamenn í Evr­ópu ætluðu sér síðan ekki að efna.

„Kannski ætt­um við að líta á nýj­an hátt á þess­ar kenn­ing­ar sem urðu ekki ofan á, því sú lína sem varð ofan á var; stækk­um NATO, tök­um fleiri lönd inn og niðurstaðan af því er þetta hræðilega stríð,“ sagði Ólafur meðal annars.

Eg­ill Helga­son, stjórn­andi þátt­ar­ins, spurði þá:

„Mynd­irðu segja bein­lín­is, að það að þessi lönd gengu í NATO, sé bein­lín­is ástæðan fyr­ir stríðinu?“

„Nei, ég er ekki að segja að það sé ástæðan, en við verðum að hafa, um leið og við gagn­rýn­um Rússa mis­kunn­ar­laust fyr­ir þessa styrj­öld og hvernig er farið er með fólkið, þá verðum við líka að hafa in­tell­ekt, heiðarleika og kjark til þess að horf­ast í augu við það að, til dæm­is viðskiptaþving­an­irn­ar sem við sett­um á eft­ir Krímskag­ann, þær hafa eng­um ár­angri skilað,“ svaraði Ólaf­ur og bætti við:

„Það að stækka NATO og stækka NATO hef­ur leitt til mestu styrj­ald­ar í Evr­ópu, það hef­ur alla vega ekki komið í veg fyr­ir það, og svo höf­um við talið okk­ur sjálf trú um það að Rúss­land væri svo veikt efna­hags­lega.“

Guðni hefur sjálfur áður fordæmt innrás Rússa í Úkraínu og sagt meðal annars:

„Sjálf­stæði og full­veldi ríkja má ekki skerðast við það að þau eigi landa­mæri að hernaðar­veldi.“

Frétt af mbl.is

„Innrás í annað ríki má aldrei líða“

Tengdar fréttir

Úkraína

Munu hefja fjöldaframleiðslu á eldflaugunum

• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn
• Rússar sagðir útvega N-Kóreu milljón olíutunnur

» Fleiri tengdar fréttir

• 3 blogg um fréttina

Bloggað um fréttina

• Páll Vilhjálmsson: Veðkall á fullveldi, Guðni Th. og Ólafur Ragnar
• Torfi Kristján Stefánsson: Guðni forseti og Úkraínukrísan
• Þorsteinn H. Gunnarsson: Einræðisherra heldur heiminum í gíslingu með aðgangi að kjarnorkusprengju