Vilhjálmur kjörinn formaður Starfsgreinasambandsins
Setja bókamerki
Vilhjálmur Birgisson, formaður Verkalýðsfélags Akraness, hefur verið kjörinn formaður Starfsgreinasambands Íslands. Kosningin fór fram á þingi sambandsins á Akureyri í morgun.
Vilhjálmur atti kappi við Þórarin G. Sverrisson, formann Öldunnar stéttarfélags.
Í ræðu sinni að loknu kjörinu talaði Vilhjálmur um mikilvægi þess að mynda sterkra og öfluga heild og þakkaði hann jafnframt kærlega fyrir sig, þar á meðal fjölskyldu sinni fyrir að styðja við bakið á sér.
Vann með 10 atkvæða mun
Alls greiddu 130 þingfulltrúar atkvæði af 135, sem er 93% kjörsókn, og hlaut Vilhjálmur 70 atkvæði en Þórarinn 60.
Flosi Eiríksson, framkvæmdastjóri SGS, segist aðspurður lítast frábærlega á nýja formanninn. „Hann hélt hér kraftmikla ræðu um komandi kjarasamninga og hvernig við ætlum að ganga sameinuð til þeirra verka sem fyrir okkur liggja,“ segir Flosi.
„Mikilvægt að hvíla viðbragðið“
Í vinnunni á aðfangadagskvöldi í 25 ár
Ofmeta sparnað í stjórnarráðinu
Í þögn hjartans
/frimg/1/53/82/1538213.jpg)
„Hálendið eiga menn að skoða“
Strandveiðar „efnahagsleg sóun“
Clinton fluttur á sjúkrahús