UJ krefjast afsagnar Sigurðar Inga
Setja bókamerki
Ungir jafnaðarmenn fordæma harkalega þau ummæli sem innviðaráðherra lét falla í flokkaboði Framsóknarflokksins í tengslum við Búnaðarþing 2022. Í sérstakri ályktun sem þeir sendu frá sér fyrr í kvöld segja þeir að ummælin hafi falið í sér niðrandi orðalag um húðlit Vigdísar Häsler, framkvæmdastjóra Bændasamtaka Íslands og krefjast þeir afsagnar innviðaráðherra vegna þeirra.
/frimg/1/31/28/1312880.jpg)
Í ályktuninni segir m.a. að UJ standi með Vigdísi Häsler, trúi hennar frásögn og annarra starfsmanna Bændasamtakanna og að þeir krefjist „afsagnar innviðaráðherra sem sýndi með orðum sínum rasískt viðhorf sem á ekki að viðgangast í íslensku samfélagi.“
Ungir jafnaðarmenn fordæma jafnframt „framkomu aðstoðarmanns ráðherra í málinu sem neitaði því að ummælin hefðu fallið, veitti fjölmiðlum misvísandi upplýsingar og gerði þar með lítið úr ummælunum og upplifun Vigdísar sem ummælin beindust að.“
Í ályktuninni segir ennfremur að óumflýjanlegt sé að setja ummælin í samhengi við „rasíska kosningabaráttu Framsóknarflokksins í borgarstjórnarkosningum árið 2014 og tilraunir ríkisstjórnarinnar til að herða enn á útlendingalöggjöf í landinu.“
Þá furða þeir sig á framgöngu forsætisráðherra, sem fari með jafnréttis- og mannréttindamál í ríkisstjórn, en UJ segir að hún hafi vikið sér í dag undan því að svara spurningum um hvort ummæli innviðaráðherra samræmdust siðareglum ráðherra í óundirbúnum fyrirspurnatíma á Alþingi.
„Það eru vonbrigði að forsætisráðherra Íslands taki ekki afdráttarlausa afstöðu gegn rasisma,“ segir í lokaorðum ályktunarinnar, sem Ragna Sigurðardóttir, forseti UJ, undirritar fyrir hönd ungliðahreyfingarinnar.
Nýtt fangelsi í landi Stóra-Hrauns tilbúið 2028
Viðræður ekkert þokast frá því á þriðjudag
Fullvissa ferðamenn um að hér sé öruggt
Hluti bílastæðis undir hraun: Ómögulegt að meta tjón
Drónamyndskeið frá hápunkti gossins í nótt
Sjötti ferðamaðurinn er látinn
/frimg/1/53/8/1530849.jpg)
Fatlaður drengur fær ekki þjónustu í verkfalli