Sólveig Anna Jónsdóttir, formaður Eflingar - stéttarfélags, mótmælir því sem hún kallar órökstuddar yfirlýsingar forseta ASÍ um ákvarðanir stjórnar Eflingar varðandi skipulagsmál á skrifstofum félagsins.

Ákvörðun stjórnar Eflingar um breytingar sem nú standa yfir er tekin á skýrum og málefnalegum grunni, segir í tilkynningu frá Baráttulistanum, sem Sólveig Anna Jónsdóttir leiddi. Sólveig tók við sem formaður Eflingar á ný á aðalfundi um helgina.

Frétt af mbl.is

Öllu starfsfólki Eflingar verður sagt upp

Greint var frá því í gærkvöldi að öllu starfsfólki Eflingar yrði sagt upp störfum og að tillaga þess efnis hafi verið samþykkt með átta manna meiri­hluta B-list­ans en hafi verið harðlega gagn­rýnd af full­trú­um minni­hlut­ans í stjórn Efl­ing­ar.

Nauðsynlegar breytingar á skipulagi

Í tilkynningu frá Baráttulistanum segir að breytingar innan Eflingar séu hugsaðar til að innleiða samræmi, jafnrétti og gagnsæi í launakjörum starfsfólks, innleiða eðlilegt bil milli hæstu og lægstu launa á skrifstofunum, og gera aðrar löngu tímabærar og nauðsynlegar breytingar á skipulagi.

Frétt af mbl.is

Fordæmir ákvörðun stjórnar Eflingar

„Forseti Alþýðusambandsins hefur ekki haft fyrir því að leita upplýsinga eða skýringa frá formanni eða stjórn Eflingar, en hikar þó ekki við að fordæma opinberlega þeirra störf í þágu félagsfólks í Eflingu. Það eru sorgleg nýmæli að forseti Alþýðusambandsins ráðist á verka- og láglaunafólk í stjórn eins af aðildarfélögum ASÍ með þessum hætti,“ segir í yfirlýsingunni.

Segjast standa við gefið loforð

Bent er á að Baráttulistinn hafi í kosningabaráttu sinni lýst því yfir að nauðsynlegar breytingar yrðu gerðar á rekstri skrifstofu Eflingar og við það loforð verði staðið.

„Við það loforð verður staðið. Í því ferli sem nú stendur yfir er lögum og vinnubrögðum sem við eiga fylgt í einu og öllu. Óhjákvæmilegt er að segja upp öllum ráðningarsamningum, en allt starfsfólk verður hvatt til að sækja um auglýst störf að nýju,“ segir í tilkynningunni þar sem enn fremur segir að formaður Eflingar harmi að aðilar hafi rofið trúnað, lekið gögnum í fjölmiðla og tjáð sig þar með óvarlegum hætti áður en samráðsferli lauk.

Tengdar fréttir

Væringar innan Eflingar

„Þetta ástand er bara ekki í lagi“

• Segir enga lögvarða hagsmuni til staðar
• Léttir að þurfa ekki að sitja undir fúkyrðaflaumi
• Vísað á dyr ef hún hyggst mæta á fundina
• Framkoma í garð Ólafar innanfélagsmál Eflingar

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: ÞETTA ÞYRFTI LÍKA AÐ GERA Í RÁÐUNEYTUNUM...........