Stéttarfélagið Efling hefur nú auglýst eftir fólki í nýjar stöður innan félagsins eftir að starfsmenn skrifstofunnar fengu uppsagnarbréf afhent í vikunni. 

Athygli vekur að nýjar hæfniskröfur, á borð við íslenskukunnáttu, gera mörgum erfitt að sækja um áframhaldandi starf. Þá er einnig búið að leggja niður ýmsar stöður, þar á meðal starf varaformanns, sem Agnieszka Ewa Ziól­kowska sinnir.

Fyrr í vikunni sagði Sólveig Anna Jónsdóttir, formaður Eflingar, að starfsfólk væri hvatt til þess að sækja aftur um stöður innan félagsins.

Af þessu að dæma er þó útlit fyrir að hún sé að losa sig við varaformanninn.

Frétt af mbl.is

Spyr hvort Sólveig ætli að reka sjálfa sig

Verði ekki auglýst síðar

Agnieszka Ewa gegnir enn embætti varaformanns sem hún var kjörin í af félagsmönnum. Í vikunni var henni hins vegar sagt upp störfum á skrifstofu Eflingar og hefur starfið ekki verið auglýst. 

Agnieszka segir í samtali við mbl.is augljóst að Sólveig vilji ein stjórna á skrifstofunni.

Þá telur hún ekki líklegt að Sólveig muni auglýsa starfið laust á meðan hún gegni embætti varaformanns, þar sem hún hafi verið óhrædd við að gagnrýna Sólveigu og það hafi ekki fallið vel í kramið hjá formanninum.

Frétt af mbl.is

Uppsagnirnar í samræmi við kosningaloforð

Frétt af mbl.is

Lýðræðislega kjörinn varaformaður rekinn

Ólöf Helga Adolfsdóttir, ritari Eflingar. Samsett mynd/mbl.is

Erlend tungumál mikilvæg

„Þetta eru breytingar sem að ég kannski bjóst ekki við. Þær eru meiri en ég bjóst við,“ segir Ólöf Helga Adolfsdóttir, ritari Eflingar og fyrrverandi varaformaður félagsins, í samtali við mbl.is.

Mörg starfanna sem auglýst voru í dag krefjast góðrar færni í íslensku. Ólöf Helga telur mikilvægt að halda í þá starfsmenn sem tala önnur tungumál en íslensku.

„Íslenskukunnátta starfsfólk er ólík. Hin ótrúlega breiða tungumálakunnátta sem að starfsfólkið okkar býr yfir hefur skilað sér vel. Því finnst mér skrítið að krefjast mikillar íslenskukunnáttu. Það er ekkert mál að finna einhvern á skrifstofu Eflingar sem að talar íslensku - önnur tungumál er kannski erfiðar að finna.“ 

Ekki náðist í Sólveigu Önnu Jónsóttur, formann Eflingar, við vinnslu fréttarinnar.

Tengdar fréttir

Væringar innan Eflingar

„Þetta ástand er bara ekki í lagi“

• Segir enga lögvarða hagsmuni til staðar
• Léttir að þurfa ekki að sitja undir fúkyrðaflaumi
• Vísað á dyr ef hún hyggst mæta á fundina
• Framkoma í garð Ólafar innanfélagsmál Eflingar

» Fleiri tengdar fréttir

Átök innan verkalýðshreyfingarinnar

„Með fullt og óskorað umboð“

• BSRB og SNS funda hjá ríkissáttasemjara
• Stjórnvöld dýpki verðbólguna
• Verkfallsaðgerðir árið 2023 fjarstæðukenndar
• Átökin bitna einungis á hinum almenna félagsmanni

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Ógeðsleg útgerð á illa greindum niðurrifsseggjum