Ekki er samstaða innan miðstjórnar ASÍ með að fordæma hópuppsögn Sólveigar Önnu Jónsdóttur, formanns Eflingar, á öllu starfsfólki félagsins.

Þetta segir Drífa Snædal, forseti ASÍ, í samtali við mbl.is að loknum fundi miðstjórnar þar sem málið var tekið fyrir.

Drífa segir að hugsanlega hafi meirihluti fundarmanna viljað fordæma uppsagnirnar, en samstaðan hafi ekki verið órofa.

„Það var ekki órofa samstaða um að fordæma hópuppsögnina. Ég hefði lagt til drög að ályktun um að fordæma þetta hefði ég skynjað að það væri órofa samstaða um málið. Það var því miður ekki og því lagði ég það ekki til.“

Drífa hefur sjálf áður fordæmt uppsagnirnar.

Frétt af mbl.is

Hægt að gera umbætur án þess að ráðast í hreinsanir

Eðlilegt að boða til fundar

Í gærkvöldi var greint frá því að hátt í 500 félagsmenn Eflingar hefðu skilað inn undirskriftum til stjórnar félagsins til að knýja fram félagsfund.

Stjórnin á eftir að boða fundinn en ljóst er að af honum verður þar sem að félaginu er skylt að boða til fundar ef minnst 300 félagsmenn krefjast þess. 

Frétt af mbl.is

Félagsmenn Eflingar knýja fram félagsfund

„Mér finnst gott að það sé boðað til félagsfundar í félagi þar sem það eru svona mikil átök. Við höfum alltaf hvatt til þess að svona hlutir séu unnir á hinum félagslega vettvangi aðildarfélaga. Þannig að mér finnst það eðlilegt framhald að það sé boðað til félagsfundar hjá Eflingu,“ segir Drífa.

Tengdar fréttir

Væringar innan Eflingar

„Þetta ástand er bara ekki í lagi“

• Segir enga lögvarða hagsmuni til staðar
• Léttir að þurfa ekki að sitja undir fúkyrðaflaumi
• Vísað á dyr ef hún hyggst mæta á fundina
• Framkoma í garð Ólafar innanfélagsmál Eflingar

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Er einhver endurborinn nútímajésús að ónáða musterispresta valdsins?