Keppninni aflýst og Ísland lokaáfangastaður
Setja bókamerki
Siglingakeppninni Vendée Arctique hefur verið aflýst. Lægðin sem fer nú yfir Norður-Atlantshafið nálægt ströndum Íslands, og herjar á flotann sem tekur þátt í keppninni, hefur reynst mun hættulegri en fyrst var spáð.
Francis Le Goff, framkvæmdastjóri keppninnar, segir að versti ótti keppnishaldara hafi ræst.
„Við vissum fyrirfram um snöggar breytingar í veðri á þessu svæði, en okkar versti ótti hefur orðið að veruleika í tengslum við veðrið,“ segir hann og bætir við að þær áskoranir sem keppendur hafi þurft að glíma við í keppninni sýni fram á getu þeirra til að taka þátt í Vendée Globe, þar sem keppendur sigla umhverfis jörðina.
Frakkinn Charlie Dalin hafnar samkvæmt breytingunum í fyrsta sæti, Jérémie Beyou í öðru sæti og Thomas Ruyant í því þriðja.
Hafa ekkert heyrt
Ásgrímur Ásgrímsson, framkvæmdastjóri aðgerðasviðs Landhelgisgæslunnar, segir í samtali við mbl.is að til þessa hafi ekki verið haft samband við Gæsluna.
„Það eru tveir komnir inn í Fáskrúðsfjörð, svo eru nokkrir aðrir sem eru komnir upp undir Suðvesturlandið. Við höfum ekkert heyrt í þeim, þeir hafa ekkert kallað á hjálp eða eitt né neitt,“ segir hann og bætir við að ef menn lenda í háska þá geti þeir komið boði til Gæslunnar:
„Við munum vaka yfir þessu.“
Viðræður ekkert þokast frá því á þriðjudag
Reiðubúin að aflýsa verkföllum í fjórum leikskólum
„Höfum sloppið bærilega með skaða af þessu gosi“
Rússar sagðir útvega N-Kóreu milljón olíutunnur
/frimg/1/53/8/1530844.jpg)
Myndir: Náttúrulegur þröskuldur að taka við
Hentugt gos fyrst gýs á annað borð
Hópur fólks reyndi að komast að eldgosinu