„Dæmigert kerfissvar“ Eiríks
Setja bókamerki
Áslaug Arna Sigurbjörnsdóttir, háskóla-, iðnaðar-, og nýsköpunarráðherra, svarar Eiríki Rögnvaldssyni, prófessor emeritus við Háskóla Íslands, á Facebook sem sagði útskýringu hennar á kröfum um íslensku og/eða enskukunnáttu í starfi á vegum ráðuneytis síns vera „dæmigert pólitíkusasvar“.
„Eiríkur Rögnvaldsson segir útskýringu mína vera „dæmigert pólitíkusasvar” þegar ég útskýrði eðli starfsins og af hverju ég taldi í lagi að gera ekki kröfu um íslensku. En frá honum og fleirum kemur aftur á móti dæmigert kerfissvar, það virðist ekki vera neinn áhugi á því að ræða það hvernig við ættum að stjórna eða hafa lög og reglur, heldur bara við höfum aldrei gert þetta svona og skulum ekki byrja á því núna,“ segir í færslu Áslaugar.
Eins og greint hefur verið frá er krafa í auglýsingunni um gott vald á íslensku og/eða ensku. Þetta gagnrýndi Eiríkur og að hans mati er þetta brot gegn lögum um stöðu íslenskrar tungu og táknmáls þar sem er tekið fram að íslenska sé mál Alþingis, dómstóla og stjórnvalda. Áslaug hefur sagt að um sé að ræða starf „talnaspekings“, íslenskukunnátta sé ekki aðalatriðið.
„Ég tel óþarfi að útiloka þá sem ekki tala fullkomna íslensku frá störfum sem þessum þar sem unnið er með tölur en ekki tungumálið. Hér á landi eru yfir 50.000 erlendir ríkisborgarar og það hlýtur að vera óhætt og eðlilegt skref að þau hafi einhvern aðgang að störfum hjá hinu opinbera þar sem hægt er að koma því við,“ segir Áslaug Arna sem segist þó vissulega ætla að kanna það betur hvort auglýsingin standist ekki lög.
Stormur á Þorláksmessu en víðast hvar stefnir í hvít jól
Stóðu skógarþjófa að verki
Funda með þingflokkum
„Tímabil aukinnar eldvirkni“
Lát hjóna í Neskaupstað: Ákæra gefin út
Forstjóri bendir á ábyrgð birgja vegna verðhækkana
Víkingar komnir yfir 800 milljónir í greiðslur
