Lögreglan á höfuðborgarsvæðinu handtók í gær úkraínska konu fyrir að mála á stöpul og gangstétt fyrir utan rússneska sendiráðið á Garðastræti 33.

Konan var handtekin og yfirheyrð á lögreglustöðinni við Hverfisgötu í kjölfarið, en henni var sleppt að því loknu. Lögreglan á höfuðborgarsvæðinu staðfesti þetta við blaðamann.

Konan málaði „terro Russia“ á stöpul fyrir utan sendiráðið og „stop war“ eða „stöðvið stríð“ á gangstéttina fyrir framan sendiráðið.

Frétt af mbl.is

„Rússneskir hermenn eru ekki mennskir“

Konan, sem ekki vildi koma fram undir nafni, sagði í samtali við mbl.is að almenningur hafi dofnað yfir fréttunum af stríðinu í Úkraínu. Ekkert hafi lagast þar í landi og Rússar flaggi sama fána við sendiráðið á Garðastræti og þeir gera í Úkraínu, þar sem þeir fremja stríðsglæpi.

Hún segir að hún hafi verið á þriðja tíma í haldi lögreglu. Lögreglan hafi sagt henni að sendiráðið geti kært verknaðinn ef það kjósi. Þá lagði lögreglan til að hún myndi mótmæla með friðsamlegri hætti í framtíðinni.

Konan var handtekin fyrir að mála á gangstétt og stöpul fyrir utan sendiráð Rússlands á Íslandi. Ljósmynd/Aðsend

Tengdar fréttir

Úkraína

Rússar ráða jemenska skæruliða til sín

• Munu hefja fjöldaframleiðslu á eldflaugunum
• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Ekki rétta málningin?