Handtekinn á Húkkaraballinu

Þjóðhátíð fer sannarlega af stað með látum en einn var handtekinn og vistaður í fangageymslu lögreglunnar eftir að hafa veist að lögreglumönnum á Húkkaraballinu sem fór fram í gærkvöldi í Vestmannaeyjum. 

Að því er fram kemur í tilkynningu lögreglu sótti talsverður fjöldi ballið sem haldið hefur verið á hverju ári á fimmtudögum fyrir Þjóðhátíð, að undanskildum tveimur síðustu árum þegar takmarkanir voru í gildi vegna heimsfaraldurs Covid-19.

Einn af ballgestunum var handtekinn eftir að hafa veist að lögreglumönnum er þeir hugðust hafa afskipti af honum. Þá komu upp tvö minniháttar fíkniefnamál og einn annar gisti í fangageymslu að eigin ósk. Að öðru leyti var nóttin fremur róleg, að því er segir í tilkynningunni.

• 1 blogg um fréttina

Bloggað um fréttina

• Jóhannes Ragnarsson: Og kynbilaður lostaþræll strauk hold sitt við herbergisglugg hennar