Reiðubúinn að víkja að ákveðnu skilyrði uppfylltu

Jón Hjaltason, frambjóðandi Flokks fólksins á Akureyri, kveðst reiðubúinn að víkja ef stjórn flokksins hrindir í framkvæmd eigin samþykkt um að skipa hlutlausa rannsóknarnefnd sem á að fara ofan í kjölinn á því máli sem komið hefur upp innan flokksins. 

Því næst vill hann að blaðamannafundur verði haldinn í húsakynnum Flokks fólksins þar sem konurnar þrjár, formaður og varaformaður, játi mistök, biðjist afsökunar og dragi „allan ósómann“ til baka. 

Frétt af mbl.is

Ætla ekki að stíga til hliðar

Frétt af mbl.is

„Fyrirlitleg framkoma“ í garð kvenkyns leiðtoga

Jón situr enn í skipulagsráði Akureyrar en hefur þó sagt sig úr Flokki fólksins eftir að karlaforysta flokksins var m.a. sökuð um einelti, andlegt ofbeldi og kynferðislegt áreiti af þremur konum á lista flokksins, Málfríði Þórðardóttur, Tinnu Guðmundsdóttur og Hannesínu Scheving Virgild Chester. 

Frétt af mbl.is

Segja konurnar ljúga og vilja afsökunarbeiðni

Kveðst aldrei hafa heyrt minnst á eineltið

Í skoðunarpistli Jóns sem birtist í Fréttablaðinu í dag, og ber yfirskriftina Vér svikarar, rekur hann samskipti sín við aðra flokksmenn, meðal annars formanninn Ingu Sæland, síðastliðna mánuði frá sínu sjónarhorni.

Samkvæmt frásögn hans þá hafði enginn minnst orði á kynferðislega áreitni eða svæsið einelti áður en Guðmundur Ingi Kristinsson, varaformaður flokksins, skrifaði færslu um það á Facebook í síðasta mánuði.

Frétt af mbl.is

Sagðar „of vitlausar eða jafnvel geðveikar“

„Við hin „ónefnda karlaforysta“ komum hins vegar af fjöllum. Þessar sakargiftir höfðu aldrei fyrr verið nefndar í okkar eyru, Inga Sæland aldrei reynt sættir eins og hún vill þó vera láta, hvað þá að varaformaðurinn hafi borið þessar ávirðingar undir okkur áður en hann hleypti þeim í loftið fyrir alþjóð að sjá,“ skrifar Jón.

Frétt af mbl.is

Gríðarlega mikil vanlíðan í forystu flokksins

„Nú verður hver að dæma fyrir sig en í mig er hlaupin kergja. Ég skil hins vegar gagnrýni Ingu Sæland og er reiðubúinn að víkja ef stjórn flokksins hrindir í framkvæmd eigin samþykkt um að skipa hlutlausa rannsóknarnefnd er fari ofan í kjölinn á þessu máli. Síðan verði haldinn blaðamannafundur í húsakynnum Flokks fólksins þar sem konurnar þrjár, formaður og varaformaður játi mistök, biðjist afsökunar og dragi allan ósómann til baka – því ég er ekki í nokkrum vafa um niðurstöðu slíkrar rannsóknar.“

• 1 blogg um fréttina

Bloggað um fréttina

• Helga Dögg Sverrisdóttir: Svíkur kjósendur ef hann víkur