Skjálfti af stærðinni 4,2 mældist í Vatnajökli laust fyrir klukkan þrjú í dag, var hann 2,6 kílómetra suðaustur af Bárðarbungu og voru upptök hans á 8 kílómetra dýpi.

Lovísa Mjöll Guðmundsdóttir, náttúruvársérfræðingur hjá Veðurstofunni, segir nokkra eftirskjálfta hafa fylgt í kjölfarið en samkvæmt fyrstu mælingum hefur sá kröftugasti verið í kringum 2 að stærð. 

Þá hafi skjálfti af stærðinni 2,7 mælst klukkan 14.56, um 2,4 kílómetra suðaustur af Bárðarbungu, einungis einni mínútu á undan stóra skjálftanum. Lovísa Mjöll segir engin merki um gosóróa.

Frétt af mbl.is

Um 50 skjálftar frá miðnætti

Skjálfti við Herðubreið

Klukkan þrjú mældist svo skjálfti 3,2 að stærð við Herðubreið og fylgdu honum sömuleiðis nokkrir eftirskjálftar.

„Það er búið að vera mikið action hérna síðustu mínúturnar,“ segir Lovísa Mjöll.

Tengdar fréttir

Bárðarbunga

3,5 stiga skjálfti í Bárðarbungu

• Skjálftinn reyndist enn stærri en talið var
• Annar stór skjálfti í Bárðarbungu
• Tveir skjálftar í Bárðarbungu
• Skjálfti upp á 5 í Bárðarbungu

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: 4,2