„Erum ekki hafin yfir gagnrýni“

„Varðandi uppákomuna áðan, þá erum við ekki hafin yfir gagnrýni eða skoðun. Við viljum að þetta ferli verði allt skoðað,“ sagði Sigríður Björk Guðjónsdóttir ríkislögreglustjóri, stuttu eftir að mótmælendur stormuðu upp á svið á landssamráðsfundi um aðgerðir gegn ofbeldi.

Mótmælendurnir mótmæltu brottvísunum og hafa gagnrýnt framkvæmd þeirra, einkum þegar fötluðum manni, Hussein Hussein, var vísað til Grikklands á dögunum. 

Frétt af mbl.is

Réðust inn: „Brottvísanir eru ofbeldi“

„Allir að gera sitt besta“

Þegar Sigríður var spurð út í aðgerðir gegn ofbeldi og þá sér í lagi gegn fötluðum sagði hún lögregluna ekki hafna yfir gagnrýni og bætti við: 

„Við viljum að þetta ferli verði allt skoðað. Það eru allir að gera sitt besta. Við erum fyrsta fólkið til þess að læra af reynslunni,“ sagði hún.

Spurð hvort málið verði skoðað sagði hún: „Umboðsmaður er búinn að fallast á það, við erum búin að tala við allsherjar- og menntamálanefnd, við erum með myndefni,“ sagði hún. Það sé eftirlitið sem fer núna í gang.

Frétt af mbl.is

Hussein án húsnæðis og matar í Grikklandi

Frétt af mbl.is

Ljóst að lögregla þarf að eiga bíl fyrir hjólastóla

• 1 blogg um fréttina

Bloggað um fréttina

• Óðinn Þórisson: Við eigum að standa með lögreglunni okkar