Katrín boðar til fundar í Stjórnarráðinu
Setja bókamerki
Tengdar fréttir
Vextir á Íslandi
Katrín Jakobsdóttir forsætisráðherra hefur boðað aðila vinnumarkaðarins á sinn fund í Stjórnarráðinu fyrir hádegi til að fara yfir stöðu mála í kjölfar ákvörðunar Seðlabanka Íslands um að hækka stýrivexti um 0,25 prósentur í gær. Mikils titrings gætti meðal stéttarfélaga og Samtaka atvinnulífsins vegna þeirrar ákvörðunar.
Samtök atvinnulífsins (SA) hafa sagt, að vaxtahækkun Seðlabankans í gær hafi sett kjaraviðræður við VR, Starfsgreinasambandið og Landsamband verslunarmanna í uppnám og að tímasetningin hafi verið afleit.
Kristján Þórður Snæbjarnarson, forseti ASÍ, sagði í samtali við mbl.is í gær, að það væri skelfileg þróun ef Seðlabankinn ætli sér að vera með pólitísk skilaboð sem þessi út á markaðinn.
Ásgeir Jónsson Seðlabankastjóri sagði á kynningarfundi í SÍ í gær, að hækkun stýrivaxta upp í 6% ætti að vera nóg til að ná verðbólgu niður í markmið á ásættanlegum tíma. Hann tókþó fram að mögulega þyrfti að gera eitthvað aðeins meira áður en „við sendum boltann áfram“ og að bankinn muni nota þau tæki sem hann hafi sé þörf á því.
„Það er algjörlega með ólíkindum að Seðlabankinn skuli voga sér að senda þau skilaboð út á meðan við sitjum hér einbeitt í að reyna að ná kjarasamningum og ná niður verðbólgu og vöxtum að við skulum þá fá þessa rennandi blautu tusku framan í andlitið frá þessum egóistum upp í Seðlabanka,“ sagði Vilhjálmur Birgisson, formaður Starfsgreinasambandsins, við mbl.is í gær.
Tengdar fréttir
Vextir á Íslandi
Ekki gerlegt að sakfella eftir lýsingu í ákæru
Fer fram á sex og hálfs ára fangelsi yfir Jóni Inga
Þungbært að missa félaga
/frimg/1/52/69/1526902.jpg)
Hvassviðri eða stormur seinnipartinn
„Allir tilbúnir að hjálpa“
/frimg/1/52/66/1526646.jpg)
Gul viðvörun á morgun
Börnum mismunað: Kjaradeilan verði leyst án tafar
/frimg/1/42/49/1424939.jpg)
Jarðskjálftahrina við Vífilsfell