Heitur reitur á Hrauninu

Forstöðumaður fangelsisins á Hólmsheiði segir fanga oft ótrúlega hugmyndaríka þegar ná þarf sambandi við umheiminn í gegnum netið, en athygli vekur að karlmaður sem nú situr í gæsluvarðhaldi hefur verið allvirkur á samfélagsmiðlum á sama tíma. Hafa fangar verið staðnir að því að fela 4G-netbúnað inni í hinum og þessum hlutum, s.s. tölvuflökkurum, sjónvörpum og fjöltengjum.

Eins hafa þeir breytt kaffivél á þann veg að í hvert skipti sem kveikt var á henni virkjaðist netbúnaður. Í raun má segja að allt sé undir í þessum efnum, fangar finni ólíkar leiðir og fangaverðir elta. Fyrir um tíu árum uppgötvaðist að búið var að breyta Litla-Hrauni í svo gott sem einn stóran heitan reit.