Alma íbúðafélag hyggst ekki ætla tjá sig um mál einstakra viðskiptavina en harmar þá stöðu sem kominn er upp hjá einum leigjenda þeirra og fjallað hefur verið um í fréttum. 

Frétt af mbl.is

„Óforsvaranlegar hækkanir leiguverðs“

Félagið hafi verið nauðbeygt til að hækka leiguverð á þeim samningum sem eru að renna út í ljósi núverandi efnahagsástands. 75 þúsund króna hækkun eða (30% hækkun) á leigu endurspeglar ekki almennt þær verðhækkanir sem félagið hefur þurft að ráðast í, að því er segir í tilkynningu frá félaginu.

Hagnaður vegna matsbreytinga

Þar segir einnig að 12,4 milljarða hagnaður Ölmu íbúðafélags árið 2021, sem fjölmiðlar hafa fjallað um, er að mestu leyti tilkominn vegna matsbreytinga á eignum og hækkun verðbréfa í skráðu fasteignafélögunum auk annars reksturs. 

„Alma hefur á undanförnum árum reynt að koma til móts við þarfir viðskiptavina sinna meðal annars með því að fresta fyrirhuguðum verðhækkunum og bjóða upp á dreifingu á leigu þegar kórónuveirufaraldurinn gekk yfir.

Um mitt ár, þegar aukin óvissa var í efnahagslífinu, bauð félagið áframhaldandi leigusamninga á óbreyttum kjörum sem flestir viðskiptavina þáðu. Almennt reynir Alma að sýna viðskiptavinum sínum sveigjanleika ef aðstæður breytast, þó það takist ekki alltaf,“ segir einnig í tilkynningunni. 

Tengdar fréttir

Húsnæðismarkaðurinn

Blanda íbúða, þjónustu og verslana

• Nýjar íbúðir eru lengur að seljast
• Búseta skortir byggingarlóðir
• Horfa út fyrir Reykjavík vegna bílstæðaskorts
• „Það er verið að byggja rangar íbúðir“

» Fleiri tengdar fréttir

• 1 blogg um fréttina

Bloggað um fréttina

• Jóhann Elíasson: GEFUR 12,4 MILLJARÐA HAGNAÐUR TIL KYNNA AÐ TEKJUR ÞURFI AÐ …