380 milljón króna stuðningur til Úkraínu
Setja bókamerki
Ísland mun veita tveimur milljónum punda, eða rúmlega 360 milljónum króna, í sérstakan stuðningssjóð fyrir Úkraínu (e. International Fund for Ukraine) sem bresk stjórnvöld settu á laggirnar á síðasta ári.
Þetta kemur fram á vef Stjórnarráðsins.
Þar segir að Þórdís Kolbrún Reykfjörð Gylfadóttir utanríkisráðherra tilkynnti stuðninginn á fundi ríkjahóps sem styður varnarbaráttu Úkraínu (e. Ukraine Defence Contact Group) sem haldinn var í Ramstein í Þýskalandi í dag. Hópinn skipa 45 ríki.
Varnarmálaráðherra Úkraínu, Oleksii Reznikov, ávarpaði fundinn og gerði grein fyrir vígstöðunni í landinu og þörfum úkraínska hersins fyrir stuðning.
„Ísland hefur áður stutt við varnargetu Úkraínu gegnum þennan sama sjóð en einnig sjóði á vegum Atlantshafsbandalagsins og með stuðningi við hergagnaflutninga, sendingu á vetrarbúnaði og sprengjueyðingaþjálfun, svo fátt eitt sé nefnt,“ segir í tilkynningunni.
Danir, Svíar og Finnar tilkynntu í gær og í dag aukna hernaðaraðstoð við Úkraínumenn.
Funda með þingflokkum
/frimg/1/53/75/1537503.jpg)
Hálf öld frá mannskæðum flóðum
„Mamma fór að hágráta“
„Óviðunandi eftirlit með börnum“
Kristrún Frostadóttir verður forsætisráðherra
Stormur á Þorláksmessu en víðast hvar stefnir í hvít jól