Flugeldar fundust í brunarústum bílsins

Leifar af flugeldum fundust í brunarústum rafbíls sem kviknaði í í gærkvöldi, í bílastæðahúsinu við Þingholtsstræti í Reykjavík. 

Ummerkin benda til þess að um íkveikju hafi verið að ræða. 

Frétt af mbl.is

Kviknaði í rafbíl í bílastæðahúsi

Þetta staðfestir vakthafandi varðstjóri hjá slökkviliðinu á höfuðborgarsvæðinu. 

Rafn Hilmar Guðmundsson, aðalvarðstjóri á lögreglustöðinni í miðbænum, staðfestir í samtali við mbl.is að málið fari í rannsókn hjá rannsóknardeild lögreglunnar en að svo stöddu liggi ekki frekari upplýsingar fyrir um málið. 

Þá sagði Rafn ekkert benda til þess að möguleg íkveikja tengist öðrum glæpum eða hópaátökum í Reykjavík. 

• 1 blogg um fréttina

Bloggað um fréttina

• Geir Ágústsson: Það sem við megum ekki sjá