Gleðst yfir ummælum Sólveigar Önnu
Urður Egilsdóttir
Setja bókamerki
„Þetta hefur verið kjarninn í því sem BHM hefur verið að gera í gegnum áratugina, það er að kalla eftir að menntun sé metin til launa. Við höfum mætt oft andspyrnu við þau sjónarmið,“ segir Friðrik Jónsson, formaður BHM, í samtali við mbl.is.
Í tísti í dag sagði Friðrik það hafa verið „óvæntur glaðningur“ er Sólveig Anna Jónsdóttir, formaður Eflingar, sagði í hádegisfréttum Rúv að meta skuli menntun olíubílsstjóra til launa.
„Mér fannst þetta athyglisvert og skemmtilegt,“ segir Friðrik og bætir við að yfirlýsingin hafi verið úr óvæntri átt.
„Þá getur maður ekki annað en glaðst yfir því,“ segir hann en Sólveig Anna hefur áður verið sökuð um að líta niður á menntafólk.
Stífir fundir framundan hjá BHM
Spurður út í stöðuna á vinnudeilu Eflingar og Samtaka atvinnulífsins segir Friðrik, að líkt og aðrir, þá bíði hann og BHM eftir úrskurðum Félagsdóms og Héraðsdóms Reykjavíkur í deilunni.
„Vonandi skýrir það þá myndina og síðan í framhaldi af því verður hægt að halda áfram að vinna í því að leysa úr þeim ágreiningi sem er uppi.“
Friðrik nefnir að BHM vinni nú að eigin kjarasamningi við ríkið.
„Við erum að tala saman og við erum að funda. Það eru stífir fundir framundan.“
Reiðubúin að aflýsa verkföllum í fjórum leikskólum
Drónamyndskeið frá hápunkti gossins í nótt
/frimg/1/53/8/1530844.jpg)
Myndir: Náttúrulegur þröskuldur að taka við
Nýtt fangelsi í landi Stóra-Hrauns tilbúið 2028
/frimg/1/53/7/1530787.jpg)
Flogið á milli ljósaskipta
Yfir 300 stæði fóru undir hraun