Ástráður Haraldsson, settur ríkissáttasemjari, kveðst ekki hafa gert sér grein fyrir því að tillögur samninganefnda Eflingar og Samtaka atvinnulífsins væru byggðar á „svo gjörólíkum forsendum.“ Þar af leiðandi var meiri vinna fyrir höndum á fundinum í dag en hann átti von á.

Hann segir viðræður þó formlega hafnar og komnar á þann stað að deiluaðilar séu farnir að ræða um launatöflur og önnur smáatriði „sem að raunverulega skipta máli til þess að ganga frá kjarasamningum.“ Tónninn í samninganefndum sé góður.

Frétt af mbl.is

Fundi lokið í Karphúsinu

Reynir að vera bjartsýnn

Fundi lauk á sjötta tímanum í dag í Karphúsinu og hefur nýr fundur verið boðaður klukkan 10 í fyrramálið.

Ástráður kveðst reyna að vera bjartsýnn á að deiluaðilar komist að samkomulagi um helgina en hann geti þó engu lofað um það. „Það langar engum að vera í verkföllum eða að þola verkföll,“ segir Ástráður.

Frétt af mbl.is

Mörg álitamál enn óleyst

Spurður hvort viðræður í dag hafi reynst erfiðari en hann hafi átt von á kveðst Ástráður hafa gert ráð fyrir því að þetta yrði erfitt. 

„Það sem að ég kannski áttaði mig ekki á og var ekki alveg viss um fyrirfram var það að það væri þannig að tillögur aðilanna væru byggðar á svona gjörólíkum forsendum. Og þess vegna hefur verið talsvert meiri vinna heldur en ég átti von á að reyna að gera forsendurnar skiljanlegar hvor fyrir öðrum þannig að menn gætu allavega borið þetta saman á réttan hátt.“

Tengdar fréttir

Kjaraviðræður

Þarf að koma til móts við ólíkar þarfir lækna

• Þung staða í kjaradeilu kennara
• Reiðubúin að aflýsa verkföllum í fjórum leikskólum
• Boða verkföll í 10 leikskólum til viðbótar
• Viðræður ekkert þokast frá því á þriðjudag

» Fleiri tengdar fréttir

• 1 blogg um fréttina

Bloggað um fréttina

• Hallmundur Kristinsson: Vandi Ástráðs