Vinsæl utanhússklæðning ítrekað dæmd gölluð

Byggingavöruverslunin Þ. Þorgrímsson & Co. hefur verið dæmd í Héraðsdómi Reykjavíkur til að greiða viðskiptavini sínum tæpar fjórar milljónir króna auk tveggja milljóna króna í málskostnað vegna galla á utanhússklæðningu af gerðinni Canexel.

Dómurinn, sem kveðinn var upp í síðustu viku, er sá fjórði sem fellur gegn byggingavöruversluninni fyrir dómstólnum vegna Canexel-utanhússklæðningar frá því síðastliðið haust.

Samtals hefur Þ. Þorgrímsson & Co. verið gert að greiða tæpar 19 milljónir króna og átta milljónir króna til viðbótar í málskostnað til viðskiptavina sinna vegna málanna fjögurra.

Frétt af mbl.is

Vinsæl utanhússklæðning dæmd gölluð

Enn til sölu

Þá hafa fallið dómar gegn byggingavöruversluninni í bæði Hæstarétti árið 2015 og í Landsrétti árið 2020.

Fjármálastjóri Þ. Þorgrímsson bar vitni um það í Landsrétti árið 2020 að á þeim tíma væri talið að klæðning þessi væri á um 4.000 hús­um á Íslandi.

Klæðning undir þessu merki er enn í sölu hjá fyrirtækinu þar sem hún er kynnt sem vara sem færir kaupandanum „meira en hefðbundin gæði“, og að kaupandi spari margfalt með því að velja Canexel.

• 1 blogg um fréttina

Bloggað um fréttina

• Ómar Ragnarsson: Allt of mörg hús hér á landi þola ekki íslenskar …