Vilja ekki afnema húsmæðraorlof

Orlofsnefnd kvenna í Reykjavík lýsir sig alfarið andsnúna frumvarpi á Alþingi um að felld verði úr gildi lög um orlof húsmæðra. Það sé byggt á þeim forsendum að jafnrétti kynjanna sé náð, „sem er því miður ekki raunin, þrátt fyrir að lagalegt jafnrétti sé komið langt á leið.

Talað er um að orlof húsmæðra sé tímaskekkja,“ segir í umsögn orlofsnefndarinnar við frumvarpið. Nefndin sé þegar búin að skipuleggja ferðir ársins 2023.

Farið er að selja í þær og sumar eru þegar uppseldar. „Með okkur fara milli 350 til 400 manns,“ segir í umsögninni.

Lesa má meira um málið í Morgunblaðinu í gær, miðvikudag.