„Ólýsanlega óábyrgur og hættulegur málflutningur“
Setja bókamerki
Þórdís Kolbrún Reykfjörð Gylfadóttir utanríkisráðherra segir að sá málflutningur sem berist frá Rússlandi varðandi flutning kjarnavopna sé hrikalega óábyrgur og eigi ekki að líðast.
„Þetta er einfaldlega grafalvarlegt mál og ólýsanlega óábyrgur og hættulegur málflutningur. Á það hefur Atlantshafsbandalagið bent ásamt auðvitað mörgum fleirum,“ segir Þórdís í samtali við mbl.is
Vladimír Pútín Rússlandsforseti hyggst láta flytja kjarnavopn vestur yfir landamærin til Hvíta-Rússlands. Kveðst hann hafa náð samkomulagi um það við hvítrússneska forsetann, Alexander Lúkasjenkó.
Rússneska Tass-fréttastofan greindi frá og hafði eftir Pútín að aðgerðin brjóti ekki í bága við alþjóðasamninga um takmörkun kjarnavopna.
Aðspurð vildi utanríkisráðherra ekki tjá sig um stöðu sendiherra Rússlands hér á landi en margir hafa kallað eftir því að honum verði vísað úr landi, nú síðast Björn Bjarnason, fyrrverandi dóms- og kirkjumálaráðherra.
Virknin dregist saman um 600 metra
/frimg/1/53/8/1530844.jpg)
Myndir: Náttúrulegur þröskuldur að taka við
Líklega komin á seinni hluta hrinunnar í Svartsengi
Hótar Bretum og Bandaríkjamönnum
Litlar líkur á að hraunið nái til mannvirkja
Drónamyndskeið frá hápunkti gossins í nótt
Nýtt fangelsi í landi Stóra-Hrauns tilbúið 2028